Hlaðvarpið

Nú vendum við okkar kvæði í kross og ræðum við Jeremy Tai Abbett en kom hér á dögunum til að taka þátt í ÍMARK deginum. Hann er nú á leið aftur til landsins í lok mánaðarins til þess að tala á RIMC, 31. mars. Á vefsíðu Ímark segir um Jeremy "Abbett hefur lengi starfað og skapað þar sem tækni og hönnun mætast. Síðustu fjögur árin hefur hann verið það sem hann kallar "creative evangelist" hjá Google, hugmyndasmiður og „hvetjari“. Abbett hefur nú tekið saman við InsurTech.vc sem hugmyndasmiður/hönnuður auk þess sem hann ferðast um heiminn og ráðleggur fyrirtækjum um vörumerki hvað varðar umbreytingar, menningu og nýsköpun en hann er mjög vinsæll og reyndur ræðumaður á ráðstefnum og fundum. Áður en Abbett hóf störf hjá Google hafði hann stofnað fyrirtækið Stuffle; mobile start-up sem hefur unnið til verðlauna í öllum helstu alþjóðlegu vefsamkeppnunum."