Satura Lanx

Hoc acroama est ultimum huius seriei. Vobis aperio cur et quid factura sim proximis mensibus, atque laetum nuntium vobiscum communico. Gratias ingentes vobis iterum iterumque ago auditoribus, dulcesque ferias vobis exopto! Si certiores fieri vultis de novis emissionibus quas editura sum inde a mense Septembri, date nomen "Frustulis": https://www.saturalanx.eu/en/frustula/

Soliloquium otiosum de feriis inceptisque aestivis. Si epistulas pelliculasque hebdomadatis accipere vultis, nomen date Frustulis meis! https://www.saturalanx.eu/en/frustula/

Sequens symbolam apud Melissam anni 2017 editam, de hominibus loquor qui in adversa plaga mundi habitant. Cur Antipodes appellantur? Verene capite verso ambulant? Sedes retialis mea: www.saturalanx.eu

Carmen iterum legimus, quod est Martialis epigramma 78 e libro quinto. Amicum cenatum invitat poeta: quidnam ei praebebit edendum? Auscultate ut sciatis!

In hoc acroamate, Horatii epodon II legimus, in quo vitam rusticam describitur et extollitur laudibus...sed quisnam laudem profert? Perlegendum est carmen!

Hoc colloquium excepi per ferias Paschales, cum Veronam petii ibique Alexandrum conveni, qui nos duxit per urbem. Huic praemisi fabulam quandam e Rouse collectione, quam ipsa recitavi et in pagina www.saturalanx.eu inveniri potest.

In hoc soliloquio, ad umbilicum perduco recitationem et explicationem colloquii Erasmiani c. t. "Confessio militis". In ipso sermonis principio, vobis iterum commendo sedem retialem Saturae Lancis quam nuperrime divulgavi, quaeque invenitur apud www.saturalanx.eu, vobisque praebeo adumbrationem e libro recitato e Senecae "De providentia", capitulo IV.

In hoc sermone nonnulla incepta recenseo quae novissime comparuerunt in sodalitate nostra Latina retiali, dein pauca narro de itinere nuper suscepto, denique vero dubium quoddam agito de pronuntiatione linguae Latinae apud antiquos et apud nos qui nunc extamus.

Locum Plinianum praelego (scilicet "Naturalis historia", II, 80) in quo ille quales sint describit gentes quae tres orbis terrarum partes incolunt. Quarum optima est - nimirum! - quam auctor ipse habitat.

In hoc incompto sermone loquor de variis inceptis a me aliisque hominibus novissime initis. Accedit brevis relatio cuiusdam libri ab astronauta Itala Samantha Cristoforetti editi.

De libro mirifico cuius titulus "Flores muri Algernon" (vulgo "Flowers for Algernon") nonnulla narro, praemissa invectiva contra homines quosdam...

Iterum de "occupatis otiosis" a Seneca nostro descriptis, sive de hominibus qui brevem vitam multis levibusque negotiis terunt.

In hoc acroamate priorem partem praelego illius Senecae loci in quo homines otiosi ab auctore deridentur. Expectate partem alteram!

In hoc colloquio, coniunx meus Iohannes percontatus explicat quo pacto fungantur computatra. Si forte harum rerum peritus auscultasti et acroama tibi placuit (vel non placuit), facias nos certiores apud Pipiatorium (vulgo Twitter): @SaturaLanx_Lat

Brevissimus sermo per quem vobis omnia fausta felicia futura exopto hiis feriis hiemalibus. In proximum!

Pagina blogistica Iusti indwellinglanguage.com suadente, de magistrorum voce addo nonnulla ac de eorum corpore quantique sit pretii eo bene uti dissero. Accendunt tria adagia Erasmiana de pavidis hominibus describendis.

Pagina blogistica Iusti "Indwelling Language" summo cum fructu ac delectatione lectitata, nonnullas considerationes agito de modis quibus vox a magistris adhibeatur. Accedunt duo ex Erasmi adagiis. Pagina blogistica de qua mentionem facio hic invenitur: http://indwellinglanguage.com/

De incepta quae a mense Septembri huius anni suscepi, sive de arte multifaria docendi.

Iterum de aenigmatibus lusibusque verborum Latinis dissero.

De aenigmatibus et verborum lusibus Latine conscriptis loquor, et varia genera eorum recenseo.